Пленэр беларускіх мастакоў у Бярозе (фота)

27.06.2013

Культура

У Бярозе адбыўся 10-дзённы пленэр мастакоў з розных гарадоў Беларусі, які завяршыўся выставай карцін, напісаных у час пленэру. Пленэр даў магчымасць мастакам занатаваць цікавыя мясціны Бярозаўшчыны, кажа адзін з арганізатараў мерапрыемства  Аляксандр Жучкоў:

- Мэта пленэра – прывезці сюды мастакоў, якія б занатавалі нашае наваколле, намалявалі тыя здабыткі, якія захаваліся на тэрыторыі Бярозаўскага раёна і наваколля. Мастакі пабывалі ў Песках, у парку Пуслоўскіх, у Косава, Ружанах, Бярозе, на возеры Белым і на возеры Сялец.

Добра, што мастакі праз свае карціны паказалі адносіны ўлады да гістарычнай памяці, кажа наведвальніца выставы паэтка Валянціна Восіпава:

- Наш мастак бярозаўскі Анатоль Маразюк прадэманстраваў свой патрыятызм і свой боль у карціне, дзе паказаў наш знакаміты на ўвесь свет манастыр, частку тэрыторыі якога аддалі зараз пад уласную забудову. І гэтыя свінні на аблоках паказваюць адносiны ўлады да нашай святыні.

Выстава карцін з пленэра працягнецца да 26 ліпеня.

Аляксандр Жучкоў

Анатоль Маразюк

Ганна Бахур

Васіль Мастыка

Мікола Купава

Ганна Васілевіч, Беларускае Радыё Рацыя, Бяроза

Фота аўтара